Í sumar heldur Ísbrú ellefta sumarnámskeið sitt fyrir kennara sem kenna nemendum með íslensku sem annað tungumál á öllum skólastigum.
Á námskeiðinu fá þátttakendur þjálfun í nýrri ritunarnálgun sem byggir á 7 víddum ritunar. Víddirnar sem um ræðir eru hugmyndir, skipulag, rödd, orðaval, setningaflæði, rithefðir og framsetning.
Þátttakendur fá þjálfun í:
- að meta verkefni nemenda samkvæmt matsramma
- að umorða matsramma á nemendavænt tungumál
- að útbúa ásamt nemendum árangursviðmið
- að flokka barnabækur eftir hinum ýmsu víddum og nota þær til að kynna víddirnar
Kennarar: Borghildur Sigurðardóttir, Hrefna Birna Björnsdóttir og Sigríður Nanna Heimisdóttir
Tími: Fimmtudagurinn 14. ágúst 2014, frá kl. 08:30 til 16:30
Staður: Húsnæði Mímis-símenntunar, Höfðabakka 9, 110 Reykjavík (sjá kort)
Kostnaður: Þátttökugjald á námskeiðinu er 3.000 fyrir félagsmenn en aðrir greiða 5.900. Innifalið í því er kennsla, handbók, námskeiðsgögn og kaffi.
6+1 vídd ritunar er á vegum SÍSL verkefnisins
Eitt af markmiðum Ísbrúar er að efla símenntun félagsmanna
með fjölbreyttum námskeiðum sem styrkja fagvitund þeirra og samkennd.
Sumarnámskeiðið er styrkt af Endurmenntunarsjóði grunnskóla.
Umsóknarfrestur: Til 15. júlí 2014.
