Nyhedsartikel -gruppelæsning

Leikur byggður á áhugaverðri blaðagrein/frétt.

Kennari útbýr um það bil 25 spurningar með greininni og svarblað fyrir kennarann.

Setjið eina spurningu á miða = 25 miða með jafnmörgum spurningum.

Processen:

  1. Nemendum skipt í fjögurra manna hópa og hverjum hópi gefið nafn.
  2. Hver nemandi fær ljósrit af blaðagreininni og hópurinn allur aðgang að veforðabók.
  3. Hópnum gefinn tími til að renna yfir greinina í ca. 8-10 mínútur. Á meðan skrifar kennari nafn eða númer hópa á töflu og leggur númeraðar spurningar úr efninu á hvolf á borð.
  4. Nú hefst fjörið! Einn nemandi úr hverjum hópi kemur og tekur miða með spurningu sem hópurinn sameinast um að leita svars við.
  5. Nemendur skrifa svarið til skiptis niður á blað og einn kemur með það til kennarans og segir svarið á dönsku. Kennarinn metur hvort svarið sé rétt og gefur nemanda leyfi til að draga nýja spurningu.
  6. Ef að svarið er rétt skrifar kennari númer spurningarinnar á töflu í reit hópsins.
  7. Þegar öllum spurningum hefur verið svarað einu sinni er byrjað upp á nýtt svo lengi sem tími gefst til. Hópur má aðeins svara sömu spurningu einu sinni.
  8. Sá hópur vinnur sem svarar flestum spurningum.

Mikilvægt er að greinin geri kröfur til nemenda en sé um þekkt eða kunnuglegt efni.

Se også stjerneløb