C. Í grænni lautu

Gamall og góður hringleikur tengist laginu Í grænni lautu.
Einfalda má leikinn fyrir færri leikmenn.

  • Nemendur syngja lagið og ganga réttsælis í hring allir nema einn sem grúfir sig niður í miðjum hringnum.
  • Áður en leikurinn hefst fær eitt barnið hring sem það geymir í lófa sínum.
  • Um leið og lagið endar rétta allir fram hendur með kreppta hnefa, eins og þeir væru með eitthvað í höndunum (ef þáttakendur eru margir má láta þá rétta fram aðra höndina).
  • Nú fær miðjumaðurinn þrjár tilraunir til þess að finna hringinn.
  • Það gerir hann með því að slá létt á hendur hinna, en munið bara þrjár hendur.
  • Ef hann finnur ekki hringinn grúfir hann aftur, en í næsta skipti eru hendurnar hafðar fyrir aftan bak sem slegið var á í fyrra skiptið.

    Heimild: Leikjavefurinn.