Áhugaverðar greinar í Málfríði

Ímalfridur Málfríði, tímariti Samtaka tungumálakennara sem nýverið kom út má finna áhugavert lesefni.

Nefna má greinar um frábær árangur Fellaskóla í lestri, vinnstofur í Graz, vinnutíma og stöðu tungumála í framhaldsskóla, afmælisthátíð STÍL og umfjöllun um Velkomið verkefnið sem hýst er hér á Tungumálatorginu.

Lesa Málfríði

Uncategorized | Slökkt á athugasemdum við Áhugaverðar greinar í Málfríði

Evrópumerkið 2015

evropumerkid_2014Velkomin – úrræði fyrir móttöku og samskipti hlýtur Evrópumerkið í tungumálum (European Language Lable) árið 2015. Viðurkenningin verður veitt á Evrópska tungumáladeginum hjá Stofnun Vigdísar Finnbogadóttur laugardaginn 26. september.

Velkomin verkefnið er samskiptatæki bæði til að kenna íslensku sem annað tungumál og til að auðvelda skólum móttöku, aðlögun og samskipti við erlenda nemendur og foreldra þeirra. Efnið er margvíslegt og skiptist í þrettán flokka á sex tungumálum. Verkefnið byggir á margvíslegri opinberri stefnumótun og styður við fjölmenningarlegt skólastarf. Nýbreytnin felst einkum í því að strax við komuna til Íslands geta nemendur sem ekki eiga íslensku að móðurmáli og foreldrar þeirra haft auðveldari samskipti við skólasamfélagið gegnum samskiptatækni sem verkefnið býður upp á.


Evrópumerkið er gæðaviðurkenning Framkvæmdarstjórnar Evrópusambandsins á framúrskarandi tungumálaverkefnum.

Uncategorized | Slökkt á athugasemdum við Evrópumerkið 2015

Evrópski tungumáladagurinn

Í tilefni af evrópska tungumáladeginum stendur Stofnun Vigdísar Finnbogadóttur fyrir hátíðardagskrá í samvinnu við mennta- og menningarmálaráðuneytið og STÍL – Samtök tungumálakennara á Íslandi, með stuðningi Nordplus-tungumálaáætlunarinnar.

Dagskrá:

  • Vigdís Finnbogadóttir, velgjörðarsendiherra UNESCO fyrir tungumál, setur málþingið.
  • Afhending Evrópumerkisins (European Label)
  • Sigrún Ólafsdóttir verkefnisstjóri, Rannsóknamiðstöð Íslands: „Nordplus tungumálaáætlunin.“
  • Brynhildur Ásgeirsdóttir, formaður Linguae – Félags tungumálanema við Háskóla Íslands.
  • Alma Ágústsdóttir, enskunemi við Háskóla Íslands: „Enskukunnátta.“

Hádegishlé, léttar veitingar.

  • Lárus H. Bjarnason, rektor Menntaskólans við Hamrahlíð: „Af sjónarhóli skólastjórnenda.“
  • Margrét Helga Hjartardóttir, frönskukennari við Kvennaskólann í Reykjavík: „Staða erlendra tungumála í Kvennaskólanum eftir styttingu náms til stúdentsprófs.“
  • Anna Margrét Bjarnadóttir, dönskukennari og fagstjóri í Víðistaðaskóla: „Viðhorf gagnvart tungumálakennslu.“

Fundarstjóri er Petrína Rós Karlsdóttir, formaður STÍL.

Málþingið fer fram í fyrirlestrasal 132 í Öskju, náttúrufræðahúsi Háskóla Íslands (á bak við Norræna húsið).

Forsíðufréttir | Slökkt á athugasemdum við Evrópski tungumáladagurinn

Ný ókeypis námsgátt fyrir öll norðurlöndin

NordeniSkoleanNorden i Skolen er ókeypis námsgátt sem gefur kennurum og nemendum á öllum Norðurlöndum alveg nýja möguleika þegar unnið er með norræn tungumál og menningu, loftslag og náttúru. Námsgáttin er ætluð til notkunar grunn- og menntaskólum og hlaut árið 2011 verðlaun Norrænu samstarfsráðherranna fyrir nýsköpun sem stuðlar að auknum skilningi barna og unglinga á grannmálunum dönsku, norsku og sænsku á öllum Norðurlöndum. Verkefnið er ekki rekið í hagnaðarskyni.

Norden i Skolen er skipt upp í „Tungumál & Menningu“ og „Loftslag & Náttúru.“ Báðir þessir aðalflokkar innihalda mikið úrval af áhugaverðu efni með verkefnum sem styðja við fagleg markmið í öllum norrænum aðalnámskrám. Í gáttinni finnur þú allt frá vinaflokkum og spjallmöguleikum til stuttkvikmynda, bókmennta, spila og keppna.

Forsíðufréttir | Slökkt á athugasemdum við Ný ókeypis námsgátt fyrir öll norðurlöndin