M
ennta- og menningarmálaráðuneyti hvetur skóla, aðrar fræðslustofnanir og hagsmunaaðila til að taka þátt í Evrópska tungumáladeginum 26. september 2016.
Þennan dag er lögð áhersla á fjölbreytni tungumála í Evrópu og mikilvægi tungumálanáms og er hann haldinn hátíðlegur meðal 45 Evrópuþjóða.
Orðaskjóða er nýr vefur á Tungumálatorginu. Í Orðaskjóðu eru æfingar til að þjálfa hugtakaskilning í lesgreinum. Þær eru ætlaðar nemendum í efri bekkjum grunnskóla og þá einkum þeim sem hafa íslensku sem annað mál. Alls er unnið með 80 hugtök, 15 grunnhugtök, samsett orð byggð á þeim og skyld hugtök fyrir hvert og eitt þeirra.
Í Orðaskjóðunni má finna 16 verkefnisskjóður þar sem unnið er með orðin á fjölbreyttan hátt. Fimmtán fyrstu skjóðurnar innihalda eins verkefni fyrir mismunandi hugtök. Á fyrstu tveimur glærunum eru hugtökin kynnt og skilgreind á einfaldan hátt. Síðan koma fjölbreyttar gagnvirkar verkefnagerðir: Eyðufyllingar, tengiverkefni og fjölvalsspurningar.
Í sautjándu skjóðunni er svo unnið með blönduð hugtök úr hinum skjóðunum og snúast æfingarnar um að tengja saman myndir og hugtök. Endurtekningin á að tryggja að orðin festist vel í minni.
Verkefnin má nýta sem hluta af kjarnanámsefni fyrir þann nemendahóp sem það hentar eða sem viðbót við annað námsefni.
Höfundar Orðaskjóðu eru Arnbjörg Eiðsdóttir, Inga Mjöll Harðardóttir og Þorbjörg Halldórsdóttir. Elsa Dóróthea Daníelsdóttir sá um tæknivinnu, útlitshönnun og uppsetningu vefs á Tungumálatorgi. Verkefnið var styrkt af Rannís árið 2014.
KLAKI 1 – er efni tengt efninu Íslenska fyrir alla unnið af Bjarna Benedikt Björnssyni, íslenskukennara við Sorbonne og doktorsnema við Háskóla Íslands.
Markhópur KLAKA 1 eru nemendur í íslensku og norrænum fræðum. Gagnagrunnurinn nýtist öllum sem vilja skoða grunnorðaforða íslensks máls með hliðsjón af kennslubókunum Íslenska fyrir alla og Learning Icelandic, ásamt beygingarflokkum og skýringum.
Í
Málfríði, tímariti Samtaka tungumálakennara sem nýverið kom út má finna áhugavert lesefni.
Nefna má greinar um frábær árangur Fellaskóla í lestri, vinnstofur í Graz, vinnutíma og stöðu tungumála í framhaldsskóla, afmælisthátíð STÍL og umfjöllun um Velkomið verkefnið sem hýst er hér á Tungumálatorginu.
