Skólamoli um tungumál

Í skólamola Kennarasambands Íslands sem birtur var 1. apríl er ríkulegur tungumálaforði Íslands gerður að umfjöllunarefni. Þó nokkrar fróðlegar örsögur úr skólum á landinu fylgja molanum.

Sérstakar viðurkenningar

Allir skólar sem sendu inn upplýsingar um tungumálaforða sinn fá send rafræn viðurkenningarskjöl með þakklæti fyrir þátttöku sína. Jafnframt voru þrír skólar dregnir úr hópi allra þátttakenda. Þessir skólar fá bókina Eitt þúsund tungumál sérstaklega áritaða af frú Vigdísi Finnbogadóttir. Skólarnir eru:

• Fellaskóli í Reykjavík
• Grunnskóli Hornafjarðar
• Leikskólinn Bakkaberg

Bókaforlagið Opna lagði til verðlaunin Eitt þúsund tungumál.

Um málþingið Móðurmál – mál málanna

Í kvöldfréttum á Stöð 2 var fjallað um málþingið
Móðurmál – mál málanna sem haldið var í Norræna húsinu í tilefni af viku móðurmálsins.

• Sjá frétt Stöðvar 2

Móðurmál – mál málanna

Málþingið Móðurmál – mál málanna! verður haldið í tilefni Alþjóðlega móðurmálsdagsins 2014

• Staður:Norræna húsið
• Tími: Föstudagur 28. febrúar 2014 kl. 15-17
• Sjá dagskrá

Efni í hugmyndabankanum

Hér á þessum vef Alþjóðadags móðurmálsins
á Tungumálatorginu er stefnt að því að safna gagnlegum hugmyndum
til að koma til móts við nemendur sem tala annað móðurmál en íslensku.

• Skoða hugmyndir sem þegar eru komnar í bankann

Tungumál gefa okkur rætur og vængi

Í viðtali í tilefni Alþjóðadags móðurmálsins segir Kristín R. Vilhjálmsdóttir af fjölbreyttum verkefnum sínum sem verkefnastjóri fjölmenningar hjá Borgarbókasafninu. Kristín sem ólst upp í Danmörku og bjó þar í þrjátíu ár er tvítyngd, kallar sig snúbúa og veit af eigin reynslu hversu mikilvægt það er að halda móðurmálinu.

„Tungumál gefa okkur rætur og vængi, hvort sem um er að ræða móðurmál eða önnur mál sem við tileinkum okkur. Móðurmálin eru rætur sjálfsmyndarinnar og þau erlendu mál sem við lærum gefa okkur vængi og skapa meðal annars tengsl okkar og samskipti við heiminn. En svo er líka hægt að hugsa þetta öfugt, því ný tungumál gefa okkur nýjar rætur og góð tök á móðurmálinu senda hugann á flug.“

• Sjá viðtalið „Ég er það sem kallað er snúbúi“

Danska sem móðurmál, annað mál og erlent mál

Bergþóra Kristjánsdóttir, lektor við Árósaháskóla, mun fjalla um umræður í danska menntakerfinu þar sem hefur verið tekist á um, hvað það felur í sér að greina á milli dönsku sem móðurmáls, annars máls og erlends máls, en slík flokkun tengist m.a. réttinum til náms, þátttöku í þjóðfélaginu og sjálfsmyndar.

Í fyrirlestri sínum mun Bergþóra skýra hvernig þessi flokkun hefur verið notuð og jafnframt mun hún ræða hvort það sé skynsamlegt að halda í slíka flokkun á tímum alþjóðavæðingar, þar sem ólík tungumál og menning setji í æ ríkara mæli svip sinn á þjóðfélagsmyndina og menningu þjóða.

• Fimmtudagur 27. febrúar kl. 16
• Stofa 101 í Odda, Háskóla Íslands
• Sjá nánar

Viðtal í Sjónmáli

Í tilefni af Alþjóðadegi móðurmálsins og viku móðurmálsins fóru Renata Emilsson Peskova, formaður Móðurmáls – félags tvítyngdra barna og Birna Arnbjörnsdóttir, prófessor í annars máls fræðum í útvarpsþáttinn Sjónmál.

• Viðtal í Sjónmál

Þrjú ný myndbönd í tilefni dagsins

Í tilefni Alþjóðadags móðurmálsins 2014 er vakin athygli á starfi fjölmargra aðila sem tengjast ólíkum móðurmálum, hvatt til umræðu í skólum um hvernig sé hægt að koma til móts við nemendur sem tala annað móðurmál en íslensku og myndböndum um efnið komið á framfæri.

Þessi nýi vefur á Tungumálatorginu er tileinkaður Alþjóðadegi móðurmálsins. Vefurinn verður nýttur til að safna saman efni er tengist þessum mikilvæga og árvissa viðburði.