PALS aðferðin er raunprófuð.
Loksins gefst kennurum sem kenna 1. bekk grunnskóla tækifæri til að sækja námskeið sem er sérhannað fyrir þá. Þeir fá í hendur PALS lestur fyrir 1. bekk grunnskóla Handbók kennara sem er ný af nálinni og kemur út í október 2019.
Dagur: mánudagurinn 18. nóvember 2019
Tími: 14.00-17.00
Staður: Safnaðarheimili Háteigskirkju sjá kort
Kennarar: Heiðveig Andrésdóttir og Sólveig Edda Ingvarsdóttir
Þátttökugjald: 17.300 Innifalið er kennsla, handbók, námskeiðsgögn og veitingar.
ATHUGIÐ AÐ MEÐ SKRÁNINGU FELST SKULDBINDING UM AÐ GREIÐA ÞÁTTTÖKUGJALDIÐ – FORFÖLL VERÐUR AÐ TILKYNNA MEÐ FORMLEGUM HÆTTI ÁÐUR EN NÁMSKEIÐIÐ HEFST!
Ekki er ætlast til að þátttakendur yfirgefi námskeiðið fyrr en að því loknu og þeir mæta með eigin skriffæri.
Námskeiðið verður haldið ef a.m.k. 20 skrá sig.
SKRÁNING HÉR
Nánari upplýsingar um PALS eru hér: https://frg.vkcsites.org/what-is-pals/pals_reading_manuals/
PALS aðferðin var þróuð af hjónunum Doug og Lynn Fuchs, sem bæði gegna prófessorsstöðum við Peabody College í Vanderbilt University í Tennesseefylki í Bandaríkjunum. Markmiðið með PALS er að gefa kennurum kost á að þjálfa samtímis hóp af nemendum í stafaþekkingu, lestri eða stærðfræði með jafningjamiðlaðri nálgun (félagakennslu). PALS nálgunin virkar mjög vel samhliða annars konar lestrar- og stærðfræðiaðferðum sem notaðar eru í almennri kennslu og í sérkennslu. Rannsóknir á PALS aðferðinni í lestri og stærðfræði hafa staðfest að flestir nemendur, hvort sem þeir eru afburðanemendur, í meðallagi eða slakir, sýna meiri framfarir en þeir sem ekki fá PALS þjálfun. Það sama gildir um nemendur sem glíma við námsörðugleika.
