Söguhringur kvenna;lifandi menning – lifandi tungumál

Söguhringur kvenna er fjölmenningarlegt verkefni í Borgarbókasafni unnið í samstarfi við Samtök kvenna af erlendum uppruna. Fyrsta sunnudag í mánuði hittast konur, íslenskar sem erlendar, skiptast á reynslusögum, spjalla og skapa listaverk saman í aðalsafni Borgarbókasafns í Tryggvagötu 15. Síðustu tvo mánuðina hafa 30-35 konur mætt úr öllum áttum; frá Haiti, Tælandi, Frakklandi, Spáni, Þýskalandi, Hollandi, Hafnarfirði, Angola, Suður-Ameríku, Póllandi, Bandaríkjunum, Serbíu, Kosovo og Kanada, svo eitthvað sé nefnt. Það er mikinn fjársjóð að sækja í Söguhring kvenna. Hér gefst ríkt tækifæri til að kynnast mismunandi menningarheimum, æfa íslensku, eignast nýjar vinkonur og kynnast starfsemi bókasafnsins. Allar konur hafa orðið og geta tjáð sig í notalegu umhverfi og í skemmtilegum félagsskap.  Hægt er að nálgast upplýsingar um næstu dagskrá Söguhrings kvenna, sem fer fram sunnudaginn 3.apríl hér og nánar um verkefnið hér.