Eitt aðal vandamál allra kennara er undirbúningur og skipulagning fyrir margbreytilegan nemendahóp. Skipulagspýramídinn er hjálpartæki eða verkfæri sem getur verið ákveðin lausn. Pýramídinn var þróaður til að styðja kennara í því að laga námsefnið að þörfum nemenda út frá ákveðinni námsbók og til að hjálpa þeim að forgangsraða námsefninu. Hugmyndin á bak við Skipulagspýramídann er sú að þó að allir nemendur geti lært þá muni ekki allir nemendur læra allt námsefnið sem farið er yfir. Þetta er ekki kennsluaðferð heldur huglægt sniðmót eða líkan til að skipuleggja, sveigjanlegt verkfæri sem hver og einn kennari hefur áhrif á í samræmi við kennslustíl sinn.
Smellið á myndina til að skoða skipulagspýramídann
og prenta út.
Einfalt og raunhæft er að innleiða verkfærið fyrir almenna kennara vegna skýrrar framsetningar á beitingu þess í framkvæmd. Líkanið var upphaflega þróað innan sérkennslufræðanna en hefur víða verið tekið upp í kennslu annars máls, til dæmis í Kanada, Bandaríkjunum og Ástralíu.
Í ágúst 2011/AGJ
